Во пролет се будиме и сакаме свежи и убави работи, нешто како овогодинешната концертната програма на ППЖ11.
Под мотото „старите дефиниции не ни беа од полза, ни нам, ни на Земјата што нѐ крепи*“, звукот на Прво па женско оваа година е многу нов, многу свеж, експериментален и многу автентичен. Затоа одиме со малку „капиталистички блуз“ и малку „алхемиски звуци“, нешто што ќе не инспирира и ќе ги раздразни сите наши сетила. Слушаме артист(к)и кои инспирираат со својата автентичност и уникатност и ни даваат нови дефиниции и нови простори за истражување.
Бојана Вунтуришевиќ, една од најактуелните кантавторки во регионов, доаѓа во МКЦ на 13 мај! Вунтуришевиќ ја знаеме како како пејачка на инди поп бендот Svi na pod! А од 2016 година почнува и со соло кариера. Нејзиниот деби албум Daljine доби многу позитивни критики и признанија, а во 2021 година со песната „Пари“, го најави и вториот албум „Ljubav“, кој го издаде во февруари оваа година. Вунтуришевиќ го опишува нејзиниот стил како „капиталистички блуз“ и црпи влијанија од инди поп, трип хоп и денсхол. Заедно со Бојана доаѓа и Пеџа Милутиновиќ, да растури на бубањ!
„Алембик“ се Виктор Танасковски (електрична и акустична гитара, бас гитара, мандола, вокал) и Ива Дамјановски (клавијатури, вокал, теремин). Нивната музика е обид за спој и реобмислување на различни музички жанрови, користејќи експериментални и атипични начини на произведување звук преку (алхемиска) игра со музичките елементи (оттука и идејата позади името). Нивниот прв, истоимен албум е издаден во 2022 и е посветен на конфликтот, но и возможната симбиоза на природата и технологијата, инспириран подеднакво и истовремено од звукот на градскиот метеж колку и од птичји и китовски песни.
#ППЖ11 е поддржано од: Embassy of Sweden in Skopje, The Kvinna till Kvinna Foundation, Equality Fund, Зигрид Раусинг Траст и Министерство за култура.
Концертот е во соработка со Младински културен центар и Liveurope. #LIVEUROPE e првата Паневропска иницијатива која ги поддржува напорите на концертните сали во промоцијата на надоаѓачки европски артисти. LIVEUROPE е мрежа која е ко-финансирана од програмата на Креативна Европа.
* Во текстот се користени цитати од Lorde, Audre (1984). “Age, Race, Class and Sex – Women Redefining Difference” (Paper delivered at the Copeland Colloquium, Amherst College, April 1980). In: Sister Outsider. Essays and Speeches. Freedom, California: The Crossing Press, pp. 114-123
- LIVEUROPE e првата паневропска иницијатива, која ги поддржува напорите на концертните сали во промоцијата на надоаѓачки европски артисти. LIVEUROPE е мрежа кофинансирана од програмата на Креативна Европа.
