Репетитор е алтернативно гаражно рок постпанк-трио од Белград и без сомнение една од највозбудливите концертни атракции, не само во Србија и регионот, туку и во цела Европа.

Со безброј турнеи и концерти зад нив, Репетитор настапувале во клубови и фестивалски сцени во над 20 европски земји, како и во Русија и Кина.
Sziget, Exit, Fusion Festival, ЗДРАВО МЛАДИ, Eurosonic, Pohoda, Europavox, Rock For People, Loftas, Stereoleto, INmusic, Waves Vienna, Botanique, Arsenal… се само дел од многуте фестивали.

Со нивните први три студиски албуми „Све што видим је први пут“ (Одличан хрчак, 2008) „Добродошли у океан“ (Moonlee Records, 2012) и „Где чеш“ (Moonlee Records, 2016) Репетитор ги освои топ-листите и одлични критики, но својата репутација ја стекнаа пред сѐ со фантастични енергични концертни изведби.
Нивниот четврти студиски албум „Празан простор….“ излезе во ноември на познатата словенечка етикета Moonlee Records.
Репетитор повторно во МКЦ Скопје, овој пат со целовечерен концерт и гости што ќе бидат дополнително најавени.

ПОДДРЖАНИ ОД:

ПЕДРО ХОРИЗОНТЕ
Скопска музичка група што негува повеќе музички стилови во својот израз како реге, ска, рок и слично. Постојани членови на групата се Петар Младеновски и Гога Поп Георгиевски, а до сега имаат издадено повеќе синглови, а за скоро време се очекува и нивниот студиски деби-албум. Настапија на Добра идеја Фестивал 2020 година, а по едногодишна пауза повторно настапуваат во живо на МУЛТИКУЛТИВАТОР Фестивалот 2022 година.

Basement Cult се релативно млада музичка група, која доаѓа од Скопје, а негуваат панк-рок и поп стил како музички израз. До сега имаат повеќе настапи низ скопските локали, а се подготвуваат и за нивниот најнов студиски албум. Познати се меѓу помладите жители на Скопје и околината по своите нумери ОК, Комбајн, Талкач во магла.

Диџеј Сезер (Сезер Салихи) е млад скопски диџеј, кој во своите музички сетови вклучува музика од таканаречениот ворлд мјузик ранг. Од етно-џез до турски мелос. Од афро-бит до разни киргиски ритми. Неговиот музички диџеј-сет и израз е уникатен и до сега има настапувано на неколку манифестации и клубови од земјава. Настапува и на МУЛТИКУЛТИВАТОР 2022.

Билети по цена од 350 денари достапни на билетарница МКЦ или Online преку bileti.mkc.mk.