20 (+1) години почеток – јубилеен концерт + промоција на “Endless Endeavors” 12”/CD

Новиот почеток, стилизирано како Noviot Pochetok, исто така познати и како The Beginnings (за интернационална употреба) е еден од најдолгосвиречките музички групи во македонската музичка историја.

Бендот започнува во 2002 година и е препознатлив по своите ултраенергични и експолозивни настапи во живо. До сега имаат отсвирено преку 250 концерти и 8 европски турнеи во последната декада, што ги прави еден од малкуте домашни бендови што успеале тоа да го остварат до сега.
Со 4 албуми на македонски и 1 best-of албум со препев на англиски зад нив, тие го промовираат своето најново, 6-то издание – повторно на македонски, каде ако не – во наше МКЦ.

Албумот е сниман, продуциран и мастериран од страна на Ненад Трифуновски – Трипе (кој го сними и првиот албум во 2005 година!) и Филип Тасевски – Фиц aka Feetz (август 2021 – јули 2022). Тапаните се снимени во Кино Фросина, МКЦ, Скопје / сѐ останато во пробувалната на бендот во Макотекс.

Ќе го промовираат нов, 6-ти по ред албум на 12” винил и CD “Endless Endeavors” / лимитирани тиражи – винил по промо цена од 700 ден. / ЦД: 150 ден.
Речиси 3 години работа на овој албум. Моментално достапен на сите дигитални аутлети .
Гости на концертот ќе ни бидат новата генерација на фантастични артисти – групите Dimish и KEM.

Влезници во претпродажба:
– првите 50 – промо-цена од 300 ден.,
– потоа 350 ден.
– на врата: 400 ден.