- сцена: Драмски театар
Драмски театар (МКД)
Режиja: Nela Vitosevic
Времетраење: 150’
Јазик: македонски
Улоги: Igor Angelov, Sanja Arsovska, Sara Klimoska, Ismet Sabanovic, Natalija Teodosieva, Filip Trajkovic, Emilija Micevska, Trajanka Ilieva-Veljic
Автор: Rumena Buzarovska
Драматизација: Viktorija Rangelova-Petrovska, Nela Vitosevic
Драматург: Viktorija Rangelova-Petrovska
Костимограф: Roza Trajcevska-Ristoska
Сценограф: Konstantin Trpenoski
Асистент сценограф: Monika Angelevska
Избор на музика: Nela Vitosevic
Тон-мајстор: Saso Gjorgjiev
Светло-мајстор: Dejan Blazevski
Дизајн на плакат: Borce Dimitrioski
Фотограф: Kire Galevski
Драмската структура на театарската претстава „Мојот маж“ е изградена од два меѓусебно испреплетени материјали, и тоа, драматизацијата на шест раскази и документарениот материјал произлезен од авторските монолози.
Играно-документарниот пристап, како жанровска определба и драматуршко-режисерски концепт е сеприсутен на европските театарски сцени, но е кревок/редок пример на македонската театарска сцена. Играно-документарниот пристап нуди едно сосема ново, поинакво театарско искуство, кое предизвикува силни емоции и соочување со себе и од себе, со себе кон другиот, од другиот кон себе. Тоа е редок колективен чин, кој не е приземно сентиментален и патетичен, туку напротив, длабоко е емпатичен и хуман. Присутноста на театарска спонтаност (кај актерот и гледачот) доведува до ослободување и отвора простор за различна театарска перспективност.
„Мојот маж“ е катарзична претстава, која ја води публиката на местото каде што понекогаш ни е тешко да се биде – нè носи поблиску до самите нас – до спомените, стравовите, искрените емоции и мисли од кои некогаш сакаме да побегнеме!
Сребра Ѓорѓијевска
- Купените онлајн-билети потребно е да ги замените со физички билети со нумерација на седиштата, пред почетокот на претставата во Драмски театар, Ве молиме дојдете порано.