Mагијата на црно-белата фотографија

Почувствувајте ја магијата на црно-белата фотографија, волшебноста на светлината и темнината. Во принцип секоја фотографија е апстракција затоа што тродимензионалниот свет е сведен на дводимензионална претстава што само некогаш покажува дел од реалноста. Ако потоа ги извадите сопствените бои на предметите за да ги замените со сиви нијанси, одите на многу повисоко ниво на апстракција. Покрај тоа, сивите вредности на сликата може значително да се променат со мешање на канали со цел да ѝ се даде на сликата сосема поинаков карактер отколку со во голема мера правилна примена на светлоста на тоновите на боите. Црно-белиот ефект зазема голем процент во пренесувањето на емоцијата до набљудувачот. Тајната се состои во интензитетот на црно-белата техника, кој е толку јак што окото и умот веднаш ги воочуваат компонентите, субјектот и расположението коешто сака да ни го долови таа фотографија.

На црно-белите фотографии облиците и структурите добиваат важност кога нема боја како елемент на дизајнот. Покрај тоа, контрастот на сликата и контролата на контрастот се од особено значење. Широкиот агол игра важна улога бидејќи овозможува многу динамични погледи.
Небото и облаците играат посебна улога во црно-белата фотографија. Длабокото сино небо брзо изгледа кичесто во слика во боја, додека темно, скоро црно небо на црно-бела фотографија е драматично – особено кога облаците се издвојуваат од него.

Во рамки на настанот на 27 март во 19.30 часот е предвидено доделување благодарници и проектирање на албумот за 2022/23 од B&W Freestyle photography, каде што членуваат повеќе од 7000 фотографи од целиот свет. Карактеристично за албумот е што тоа се избрани фотографии, кои се постираат 365 дена во годината за насловна фотографија (фотографии од различен фотограф) и со тоа им се дава слобода на сите да се изразат и да го прикажат моментот, емоцијата, во различни фотографски стилови и техники.

Слободата на изразување во уметноста е бесценета.