МКЦ

MAKEDOX 2023 — 18:00

Дел од програмата на MakeDox традиционално во МКЦ:

20.8.

18:00
  • THAT’S THE PLAN
    Македонија / 2023 / 11′

Приказна за односот помеѓу двајца браќа и нивниот поглед кон животот. Ги гледаме браќата како се навраќаат на детството и како со текот на времето стануваат поблиски.

Режисер: Никола Станишлевиќ
Сценарио: Никола Станишлевиќ
Камера: Никола Станишлевиќ
Монтажа: Никола Станишлевиќ
Продукција: MakeDox Documentary School

  • ANIDOC AND FLIPBOOK FESTIVAL
  • THE TWO OF US
    Данска / 2018 / 63′

Скјолд и Изабел веќе не се заедно, но засекогаш ќе си бидат прва љубов еден на друг. Копенхаген, лето и едно раскинување, кое претставува виор од разговори, кавги и среќни моменти. Носталгичниот дух на данското лето ги мешколи сите искри на нивната љубов, а тие се ранливи и збунети од нивниот пат кон откривање на себеси и како поединци, и како пар. Мешавината од романтични и пријателски чувства ги спречува да се откажат еден од друг, но тие сепак се обидуваат да си ја дефинираат врската.

Режија: Emil Næsby Hansen
Камера: Emil Næsby Hansen
Монтажа: Sofie Steenberger
Звук: Brian Dyrby, Mira Elisabeth Falk, Kristoffer Salting
Музика: Jeppe Wolmer
Продукција: Emil Wergeland

21.8.

18:00
  • LILY
    Македонија / 2023 / 11′

Филмот раскажува за една деветнаесетгодишна девојка која се навраќа на случувањата од своето мрачно минато, читајќи ги писмата што ги имала напишано кон самата себе. Читајќи, поминува низ деновите во кои заслепено се вивнала во врска каде што била физички и психички злоставувана, а притоа не била свесна за својата состојба. Преживувајќи ја бедотијата на самата себеси, си признава и се прифаќа и тогаш сонот за бегство од бесмисленоста почнува да изгрева.

Режија: Dragana Stojadinovska
Сценарио: Dragana Stojadinovska
Камера: Nikola Stanishlevikj
Монтажа: Martin Ivanov, Dragana Stojadinovska
Музика: Marko Naskovski
Продукција: MakeDox Documentary School

  • ANIDOC AND FLIPBOOK FESTIVAL
  • WE WILL NOT FADE AWAY
    Украина, Франција, Полска / 2023 / 100′

Група тинејџери од Донбас на прагот на зрелоста имаат сон да го освојат светот. Иако оддалеку татнат пукотници и експлозии, тие не губат надеж и сепак решаваат да го следат својот сон да патуваат, кој на крај се претвора во реалност.

Режија: Alisa Kovalenko
Сценарио: Alisa Kovalenko
Камера: Alisa Kovalenko, Serhiy Stetsenko
Монтажа: Maryna Maykovska, Kasia Boniecka
Звук: Mariia Nesterenko
Музика: Wojciech Frycz
Продукција: Valeriy Kalmykov, Oleksiy Kobelev, Yana Kalmykova
Копродукција: Stéphane Siohan, Katarzyna Kuczyńska, Tomasz Morawski

22.8.

18:00
  • WHAT IS ANXIETY?
    Македонија / 2023 / 15′

Виктор е седумнаесетгодишен тинејџер кој ги набљудува своите врсници, со цел да истражи повеќе за состојбата што е сѐ поприсутна во секојдневјето на младите. Анксиозностa е сеприсутен предизвик на денешното време со кој се соочуваат тинејџерите, а секако не ги заобиколува и постарите генерации. Низ будното око, Виктор се обидува да најде начин како да им помогне на индивидуите што ги засега темата анксиозност. Секојдневјето на Виктор е исполнето со училишни обврски, тренинзи по пливање и бокс, како и изнаоѓање начини за самиот да се избори со анксиозноста.

Режија: Viktor Borojevich
Сценарио: Viktor Borojevich, Roze Simonovska
Камера: Oliver Mileski
Монтажа: Lea Dimitrova
Продукција: MakeDox Documentary School

  • ANIDOC AND FLIPBOOK FESTIVAL
  • ATONAL GLOW
    Грузија / 2022 / 67′

Десетгодишниот класичен пијанист и композитор од Грузија, Цотне Зедгиниџе, го споредуваат со Моцарт. Живее со својата харизматична баба Нина, која е негова старателка, учителка и менаџерка на неговата меѓународна кариера. Режисерот суптилно ја балансира перспективата на чудото од дете со онаа на гледачот додека ја истражува трнливата реалност на воспитувањето на едно дете, кое, вака или онака, ќе стане славно.

Режија: Alexander Koridze

целата фестивалска програма

сала Фросина