Промоција на поетска збИРКА од Даим Мифтари

Промотори: Линдита Ахмети и Сашо Огненовски

Даим Мифтари ни подарува книга со густа многузначност испишана во кратки стиховни „полемизирања“, а неговите стихови покрај многузначноста во себе содржат една децидност која воздбудува и ве наведува повторно и повторно да се дружите со нив веројатно заради отворените прашања со кои живееме во нашето секојдневие.
„Куќа што танцува“ е збирка која крие силна возбуда и инспирација.

Книгата е во издание на ЗРУМ „Перун Артис“ од Битола.

Даим Мифтари е еден од најталентираните поети во современата албанска поезија. За творечката дарба Даим е свесен и самиот, па затоа стихот му е стабилен и сигурен, тивок и лиричен, дури и кога внатрешниот немир му е вознемирен.
Светот, секојдневието во кое живее и времето што минува, ги претвора во сегашни поетски фикции. Природата и видот на инспирацијата му се максимално чувствителни. Доволно е најлесното движење, недофатливо од вообичаениот поглед да му поттикне немир, болка, односно радост или иронична насмевка. Тој е поет, нормално, би рекол Кадаре.
– Али Алиу, академик

Даим Мифтари живее за поезијата и со поезијата. Кога зборуваш со него, имаш впечаток дека тој при секој одговор што треба да го даде на прашањата што му ги поставуваат луѓето, се „консултира“ со музата Еутерпа.
– Линдита Ахмети, поетеса