Театар ам Ленд , Грац (АУТ)

Режиjа: Franz von Strolchen

Џејмс Кејблс повторно на турнеја! По речиси две години присилно отсуство од сцената, македонскиот артист подготвува настап за домашната публика во Скопје на која што ќе го презентира долгоочекуваниот нов албум.
Новиот перформанс на Франц Стролхен „Кабли“ започнува како спектакуларен концерт на Џејмс Кејблс, а завршува со филозофски рефлексии на кабли, адаптери и врски.
Mакедонскиот изведувач и музичар се среќава со австрискиот сценски техничар во многу неочекувани околности, односно во една ситуација каде што двајцата треба да се справат со кабли, секој на свој начин.
Централната тема на „Кабли“ ќе се истражува како метафора, во најконкретна, но и во најапстрактна смисла. Ќе се поставуваат прашања и ќе се формираат размислувања за тоа како се остваруваат врски, за заемното разбирање, за балканските стереотипи, но исто така и за корупцијата, за скинатите кабли и за решавањето на проблемите.