Дебатниот филмски клуб ЛАЛЕ не ја прекинува својата работа. Наредниов период нема потреба да доаѓате во МКЦ во Џебното кино. Планираната програма за месеците март и април имате можност да ја реализирате дома, се разбира, со малку пребарување на интернет.
Ви нудиме начин како да ви се олесни самоизолацијата. Предлагаме филмска литература со која полесно ќе ги насочите своите мисли и грижи во насока на забава, релаксација, но и едукација. Жанровски различни, но секогаш со автентични вредносни квалификативи, веруваме дека предложените филмови ќе помогнат да се оддалечите од баналната изолација и да комуницирате директно со уметноста во филмот.
Доколку имате доверба во нашиот критериум, еве ја листата предлози на која главно се поместени наслови од постар датум, со цел да го надоместите пропуштеното, но и понови филмови, кои ќе го заслужат вашето внимание.
Избор, Влатко Галевски

Celia Johnson, Trevor Howard, Stanley Holloway

Според некои анкети „Куса средба“ е најромантичниот филм на сите времиња. Дејвид Лин е мајстор на режијата, но се чини дека вистинскиот автор на овој филм е сценаристот Ноел Коуард. Во времето кога овој филм е сниман, моралот, срамежливоста, семејството, невиноста; се доблесни категории и токму на таа линија овој филм со извесна носталгија нѐ потсетува на подзаборавените вредности.

 

Jeanne Moreau, Oskar Werner, Henri Serre

Величествен филм со прекрасна фотографија и маестралната Жана Моро. Филм што сјае со радост, стил и сензибилитет и кој изврши силно влијание над филмовите „Бони и Клајд“ и „Телма и Луиз“, филмови што содржат и љубов и комика и трагика.

 

Ethan Hawke, Julie Delpy, Andrea Eckert

Приказната е раскажана колку со ум, толку и со срце. Да се одживее денот што ќе го паметите до крајот на својот живот, тоа е сржта на оваа романтична едноставност. Ликовите во филмот се толку привлечни, а дијалозите спонтани, така што лесно се препознавате себеси во некое лично сеќавање.

 

Kathy Baker, Amy Brenneman, Glenn Close, Joe Mantegna, Dakota Fanning, Sissy Spacek, Holly Hunter

Режисерска перцептивна студија со ликови како од чеховски минијатури, извонредни актери и прецизна стратегија во раскажувањето.

 

Jarkko Lahti, Oona Airola, Eero Milonoff

Уникатен и прекрасен филм за бокс, а од друга страна, градењето на карактерите нема никаква врска со спортот. На режисерот Куосманен ова му е прв долгометражен игран филм. Победник е на „Un Certain Regard“ во Кан, а снимателот Jani-Petteri Passi е добитник на Златната камера 300 на „Браќа Манаки“ во Битола.