Conquering Lion е даб/реге/кросовер бенд од Тетово (Македонија), кој своето творештво го започнува на 7 април 2007. Во октомври 2009 бендот го издава својот прв албум едноставно насловен како “I” за PMG Recordings на кој може да се слушнат 10 песни, меѓу кои и соработката со јамајканскиот артист Jah Clarity на песната “Jah Love”. До сега, покрај настапите низ Македонија, бендот има настапувано во Германија, Словенија, Хрватска, Босна и Херцеговина, Србија, Бугарија, Грција, Романија, Словачка, Чешка, Холандија, Полска и Косово. Вториот по ред албум насловен како “Know Your Wisdom” излезе на 26 август 2011 по што следеше 30-дневна балканска турнеја. Две години подоцна на 22 ноември 2013 бендот го издаде третиот студиски албум “Revelation” за издавачката куќа “Password Productions” од Македонија, по кој следеше успешна пролетна европска турнеја. Како едни од побитните настапи на Conquering Lion може да се издвојат настапите со Manu Chao, Gentleman, Ras Zacharri, Donald Minott, Raphael, Hornsman Coyote… Исто така бендот има настапувано на поголеми фестивали како Riding Higher во Германија, In Music Festival во Хрватска, Таксират фестивал во Македонија, Spirit of Burgas и Hills of Rock во Бугарија…
Conquering Lion го издаваат својот 4-ти по ред студиски албум насловен како “Land Of Confusion”, кој беше издаден на 24 февруари 2017 за издавачката куќа Locksmith Records од New Jersey, USA. “Land Of Confusion” беше на листата за преноминации за најдобар реге-албум за 2017 на Греми-наградите и за албум на годината на најголемиот реге-портал во Европа “Reggaeville”. Сите три сингла од новиот албум “Wake Up”, “Go” и “Natty Lion” беа премиерно промовирани на најголемиот реге-портал во Европа “Reggaeville”.
Првиот сингл од албумот “Shine” беше премиерно промовиран исто така на порталот “Reggaeville” на 23 март 2018. Вториот сингл “Badman World” заедно со италијанскиот реге-артист Рафаел беше премиерно промовиран на порталот “Reggaeville” на 27 август 2018. Бендот го издава својот 5-ти студиски албум “Revolution Time” на 30.3.2022 за издавачката куќа “Rehegoo Music” од Лондон, В.Британија. Во моментов бендот работи на својот 6-ти студиски албум, кој сѐ уште е во подготовка, а првиот сингл “Long Time” во соработка со македонската пејачка Дани Димитровска беше премиерно промовиран на 8 декември 2021.

Како специјални гости на настанот ќе настапат реге-ветераните Jah MessenJah Sound System, кои доаѓаат од Србија и ќе се погрижат за одлична забава на подиумот!
JahMessenJah SS официјално е основан во 2002 година, кога тогашнaта постава (Јеромонах, Трапатони Селекта и Kewy ) прв пат се појавуваат пред голем број луѓе на афро-реге забава во селото Брѓани, во близина на Горни Милановац. JahMessenJah со својата работа и ентузијазам придонесуваат за ширењето на оваа благородна музика и култура, како во нивниот град, така и во целиот регион.

Како домашна поддршка ќе настапат младите и енергични Cut Your Nipple. Тие се “Phunk” (панк, фанк, алтернативен, рок) бенд од Тетово, основан во 2018 година од Марко Печеновиќ, Теодор Јаневски, Павел Кузманоски. “The Jungle Book” е нивниот прв албум снимен во Студио 1060 и е издаден во април 2021 од Password Production. Како нивни поголеми настапи во Македонија се издвојуваат „Д-фест“ во 2018, “Лузер Фест“ 2019, „Аларм Фест“ 2021.

• Настанот ќе биде организиран со почитување на актуелните ковид-протокли