Дебатен филмски клуб ЛАЛЕ – програма за месец април

Веројатно најзначајниот филмски фестивал на независните филмаџии е во Санденс, Јута. Негов основач е Роберт Редфорд, а годинава е неговото 33-то издание. Трите предложени филмови за месец април им овозможија на нивните автори да стекнат репутација на талентирани и перспективни. Наше е да провериме!

 

4 АПРИЛ

SMOOTH TALK (Мазење) 1985

режија: Џојс Чопра
улоги: Лора Дерн, Трит Вилијамс, Мери Кеј Плејс

И во бајките на браќата Грим и во хорорите на филмското платно има заеднички именители: меланхолијата на растењето и созревењето на сексуалноста. Филм за детските илузии во судир со светот на возрасните, или дали сексуалната активност е средство да се справите со сопствената емоционална празнина?

Куриозитет за режисерката е што ова ѝ е прв и единствен игран филм, активна е од 1967 година. Снима главно ТВ и документарни филмови. Во Санденс доби Гран При за режија.

 

11 АПРИЛ

A BRIEF HISTORY OF TIME (Кратка историја на времето) 1991, биографски документарец

режија: Ерол Морис
учествуваат: Стивен Хоукин, Исобел Хокин

Хокин е феномен по себе, исто како и вселената. Филмот на интелигентен начин ги спојува овие два феномена. Теориска физика разбирлива и за обичниот гледач.

Во Санденс ги доби двете главни награди за документарен филм, Гран При од жирито и Трофејот на филмските работници

 

18 АПРИЛ

BLOOD SIMPLE (Едноставно крв) 1984

режија: Џоел и Итн Коен
улоги: Џон Гец, Френсис МекДорманд, Ден Хедаја

Умно, смело, весело, смешно… Филм првенец од гаражата на Коенови! По победата во Санденс… Им тргна!

Сподели