Детскиот креативен центар веќе пет години по ред ја организира детската керамичка колонија – ЗЕМЈА. Колонијата се организира за децата од град Скопје кои сакаат да научат нешто повеќе за керамиката, да изработат предмети од глина, притоа запознавајќи се со нашата култура и традиција.

Наш годинешен модератор е керамичарот Ангел Петревски. Колонијата ќе се одржува во деновите 7. и  8.ноември, како и 14. и 15. ноември во Детскиот креативен центар со почеток од 11 часот.

Работилницата е отворена за сите заинтересирани деца, родители и наставници, влез бесплатен.

{comments}

Во галеријата на МКЦ на 12. ноември МАКЕДОНКА ВЕЛИЧКОВСКА ќе се претстави со изложба на графики.

Психолошка интроспекција, овозможена преку ликовен медиум - графика, е основен конструктивен инструмент во најновиот циклус дела на Македонкс Величковска. Заокружениот циклус, херметичен по својата тематска дефинираност, претставен е преку 19 графички дела кои овозможуваат визуелна транскрипција на одредени емотивни импулси и размисли за природата на уметничката креација.

Јованка Попова

{comments}

МКЦ со гордост ви го најавува првиот музички настап за месец ноември, концертната промоција на MOOGER FOOGER на 06.11 со почеток во 21.30 часот. Рокенрол хероите од источната страна (конечно) со промоција на новиот албум AnnAgun (PMG Recordings), нивното четврто, воедно и најзрело албумско остварување.
Во подновената постава - Сецко, Оки, Еди, Ристе и Бејков, на концертот најавуваат и специјални гости. На албумот AnnAgun, работен со нивната добропозната vintage филозофија гостуваат Горан Трајкоски и Надежда Петровска.
Билетите за концертот (200 денари) можат да се купат на касата на Младинскиот културен центар непосредно пред концертот.

{comments}

На 5ти и 8ми ноември во кино Фросина во рамките на филмската програма на МКЦ ќе се прикажува филмот Снег (Snijeg). 

Босна, 1997. Приказна за една група луѓе од едно село во Босна. Со доаѓањето на снегот се соочуваат со опасностите на изолацијата. Двајца бизнисмени ги ставаат во морална дилема – дали да ги прифатат парите кои им ги нудат и да ги напуштат своите огништа.

СНЕГ (Snijeg) | Босна и Херцеговина, 2008 | режија: Аида Бегиќ

п р о м о т и в н а   а к ц и ј а : Влез 60 денари (со пијалок)

{comments}

LocoMotion | Движењето како значење
Ф е с т и в а л   з а   с о в р е м е н   т а н ц
29 oктомври - 07 ноември 2009

И оваа година на македонските љубители на танцот под мотото Движењето како значење, LocoMotion им ги преставува актуелните и иновативни тенденции во современиот танц кај нас и во светот преку селекција на дела на кореографи и танцови групи од Германија во соработка со Франција, Швајцарија, Словенија, САД, Бугарија и Македонија. Како што велат и селекторките на програмата Биљана Тануровска-Ќулавковски и Искра Шукарова “…мотото Движењето како значење го одбравме за да истакнеме дека современиот танц е уметност која преку знаците забележани во разновидните концепти - кореографските парт преитури - комуницира со нас на различни нивоа. Тие знаци се разновидни, а се развиваат секојдневно преку разни истражувања на телото, неговата комуникација со различни субјекти, неговото постоење во одредени контексти, поврзаност со одредени дејства или медиуми, и поставеност во различни ситуации…” Оттаму, во пет фестивалски вечери, публиката ќе има можност да проследи и комуницира со различни танцови креации, филмска проекција и музички концерт.

Програма на фестивалот (во МКЦ):

01. ноември, недела, 21:00
АТЕЉЕ, 50`
Кореографија и концепт: Bara Kolenc (Slovenia)

Претставата е инспирирана од извонредниот живот и талент на словенечката скулпторка Карла Буловец. Во име на уметноста, нејзиниот исклучително боемски живот со сопругот и драматург Иван Марк, се откажа од с...è - удобност, дом, семејство па дури и секс. Нејзината креативност била луда, амбициозна, мазохистичка, со огромни визии кои не можела да ги оствари. Изведбата ја истражува уметничката креативност како импулс, како неуморна желба да се создава, толку дива и деструктивна што може да ја надмине потребата од биолошко задоволство, закана за здравјето со непризнавање на физичката глад, која може да заврши и трагично. Во контекст на таква една суровост, уметноста никако не е релативна - како во очите на културната историја и политика - туку апсолутна и неопходна, како и да ја анализираме, митологизираме или опредметуваме.


03. ноември, вторник, 20:00
ULYSSES, 50`
Концепт, кореографија, танц: Jurij Konjar (Slovenia)

Претставата Ulysses е лична приказна за едно патување. Впечатоците од тоа патување се претворија во приказна во движење која ни ја доловува раскажувачот, акоја слушателот/ гледачот одново го преживува со него. Улогите на придвижувач, раскажувач, човек и Бог се споени во една личност. Движењето е инспирирано и од две книжевни дела – Одисеја од Хомер и Улис од Џејмс Џојс. Преку движење, графичкото претставување и дијалогот помеѓу нив, претставата Ulysses ќе ја понесе публиката на ова патување, во чиј тек, и покрај сите незгоди, суштинската цел на протагонистот останува доследна-истата со која што го започнал патувањето.

Комплетна програма

29. октомври, четврток, 15:00 – 17:30
Лабораторија FAST FORWARD Скопје - Како современиот танц може да придонесе во развојот на културните институции?
(МОБ/прес салон)

30. октомври, петок, 20:00
MРТВА ПРИРОДА, 60`
Кореографија: Cie Isabelle Schad / Good Work Productions (DE/FR)
(МНТ, Голема сцена)
 
04 ноември, среда, 20:00
Номад Танц Академија, Кратки резови
(МНТ, Голема сцена)

ЧАША ЉУБОВ, 25`
Кореографија: Žana Penčeva (Bulgaria)

(НЕ) БЛИЗУ, 15`
Кореографија: Kire Miladinoski (Macedonia)

ХАЈДИ, 15`
Концепт и кореографија: Aleksandar Georgiev (Macedonia)

БОЖЕ, САМО ЃАВОЛОТ ДА НЕ ГО УКРАДЕ РИТАМОТ!, 40`
Кореографија: Elia Rubin Mrak Blumberg (USA)

07 ноември, сабота. 19:00
Три во едно - мултидисциплинарна вечерна изведба, видео, современ танц, хип хоп музика

1] 19:00 Тајни на тезга / Secrets for sale, 64’ - (филм / film) - Elodie Pong (Switzerland)
2] 20:00 no.thing, 60’ - танц претстава на трупата Линга- кореографија на Катаржина Гданиец и Марко Канталупо (Швајцарија)/ dance performance from COMPAGNIE LINGA - choreography of Katarzyna Gdaniec and Marco Cantalupo (Switzerland)
3] 21:00 Рап Титан / Rap Titan, 60’ - музички перформанс со раперот Роберто Гариери и Ди џеј Игл  (Швајцарија)/ musical performance with rapper Roberto Garieri and DJ Eagle (Switzerland)
(МНТ, Голема сцена)

{comments}

29, 30 & 31 Октомври & 01 Ноември

A T O N E M E N T
Високо оценет од критиката, но и широко прифатен од публиката, според делото на Ian McEwan, овој филм нуди комплетно филмско доживување, за што сведочат бројните номинации и награди, како Оскар, Бафта , Златен глобус итн.
Земја: UK | France
Режија: Joe Wright
Улоги: Keira Knightley, Brenda Blethyn, James McAvoy

Младинскиот културен центар во соработка со амбасадата на Република Германија во Македонија во рамките на манифестацијата Германски недели  ве покануваат  на  2-то издание на интернационалниот музички фестивал “ТОНИ ФЕСТИВАЛ“ на 24. октомври (сабота) со почеток од 20 часот во МКЦ.
Учество на фестивалот ќе земат германските музички групи Black Tequila & Cluzzter, како и DJ Rastefani. Како домашни гости ќе настапат скопските панк рок икони Флукс и поп звездата Miyatta.
Влезницата за овој настан ќе чини 150 денари, а билетите ќе може да се набават на билетарницата на МКЦ, непосредно пред почетокот на фестивалот.

{comments}