ДЕТСКО МАТИНЕ
АЛВИН И ВЕРВЕРИЧКИТЕ „ЧИПМАНКС“: НАТПРЕВАРОТ
(Alvin and the Chipmunks: The Squeakquel)

Режија: Бети Томас
Автори: Џон Вити и Џонатан Аибел
Тоби, внукот на Дејв Севил, кој има околу дваесетина години, треба да се грижи за поп сензацијата Алвин, Сајмон и Теодор. Момчињата мора да се откажат од нивната слава и да се вратат на училиште, каде им е зададена задача да ја освојат наградата од  25 000 американски долари, на музичкиот натпревар на бендови и притоа, да ја спасат училишната музичка програма. Крајно неочекувано, тие се сретнуваат со нивните ривалки – верверичките Бритни, Еленор и Џинет познати како „Чипети“. На самиот натпревар кога се соочуваат двата бенда, насекаде во воздухот летаат романтични искри зачинети со музика. 
проекции : 11.00; 13:00 и 15:00

ЛЕГИЈА
(Legion)

Режија: Scott Stewart
Улоги: Paul Bettany, Dennis Quaid 
Откако Бог ја губи вербата во човечката раса, на земјатаа ја испраќа  својата Легија ангели, со задача да предизвикаат потполна апокалипса. Единствената надеж за спасување на светот лежи во рацете на архангелот Михаил и група странци, затекнати во еден зафрлен ресторан на југозападот на Америка. Набрзо, разбираат дека младата келнерка го носи спасителот.        
Почеток на проекциите: 18.00

ПЕРСИ ЏЕКСОН И ОЛИМПИЈЦИТЕ: КРАДЕЦОТ НА ГРОМОТ
(PERCY JACKSON & THE OLYMPIANS: THE LIGHTNING THIEF)

Режија: Крис Колумбус
Светска премиера: 12 Февруари 2010 (САД)
Жанр: Авантура │Фантазија
XXI век е, но боговите од планината Олимп заедно со одредени монструми излегуваат од митолошките книги на средношколецот Перси Џексон и влегуваат во неговиот живот. И тие не се премногу среќни: громот на богот Зевс е украден и Перси е главниот осомничен. Уште повознемирувачки е фактот што одеднаш неговата мајкаисчезнува. Кога Перси ќе се најде заробен меѓу гневните и борбени богови,  тој заедно со своите пријатели ќе се впушти во авантура и потрага по крадецот на громот, обидувајќи се да ја спаси мајка си, и притоа самите тие ќе ја направат приказната помоќна отколку самите богови.
Проекции: 20.30 и 22.30

Билети за проекциите можат да се купат на касата на Кино Милениум, секој ден од 12.30 до 20.30, по цена од 100 денари.
Се гледаме во кино МИЛЕНИУМ

Младинскиот културен центар ве поканува на на претставата „ОТПУШОЦИ“ 23. 03. (вторник), 20:00 час. во салата Фросина, режија Игор Ивковиќ.
Претставата „ОТПУШОЦИ“ е сценска адаптација на хит романот „Последната нова година“ од италијанскиот автор Николо Аманити. Опфатена е темата: ефоријата во текот на новогодишните прославувања. Дали е навистина потребно да се вложува толку многу енергија, пари или пак, сета таа еуфоричност е само еден обид за прикривање на слабостите на глобалното конзумерското општество? Што им се случува на одметниците од таа еуфорија? Победуваат или пак, остануваат отфрелни отпушоци? Низ хуморот, необичните ситуации, а понекогаш и црниот хумор претставата ни ја открива сета хипокризија на денешниот современ човек, каде и да живее, дејствува.Музиката за претставата е на Ненад Ѓорѓиевски Тонкин, костимограф Мирјана Буразер.
Оваа претстава, премиерата ја имаше во 2006-та год. Често  пати играна на сцената на МКЦ во Скопје. Во 2008, ТЕАТАР 007 со претставата ОТПУШОЦИ, учествуваше на Меѓународниот Театарски Фестивал, ФОКУС 2008, во Клагенфурт Австрија.
Билети за претставата можат да се купат на денот на изведбата на билетарницата на Младинскиот културен центар, по цена од 150 денари. Резервации на e-mail Оваа е-пошта е заштитена од spambots, треба да вклучите JavaScript за да ја видите
Се гледаме во сала ФРОСИНА

PERCY JACKSON & THE OLYMPIANS: THE LIGHTNING THIEF

Режија: Крис Колумбус
Светска премиера: 12 Февруари 2010 (САД)
Жанр: Авантура │Фантазија

XXI век е, но боговите од планината Олимп заедно со одредени монструми излегуваат од митолошките книги на средношколецот Перси Џексон и влегуваат во неговиот живот. И тие не се премногу среќни: громот на богот Зевс е украден и Перси е главниот осомничен. Уште повознемирувачки е фактот што одеднаш неговата мајкаисчезнува. Кога Перси ќе се најде заробен меѓу гневните и борбени богови,  тој заедно со своите пријатели ќе се впушти во авантура и потрага по крадецот на громот, обидувајќи се да ја спаси мајка си, и притоа самите тие ќе ја направат приказната помоќна отколку самите богови.

Од 19ти март во градско кино Милениум, проекции во 20.30 и 22.30

По гостувањето на јапонскиот квартет MONO, Младинскиот Културен Центар во соработка со веб порталот Плагиј.ат најавува гостување на уште еден возбудлив бенд, чиј настап дефинитивно нема да ве остави рамнодушни. Среќни сме што можеме да го најавиме концертот на хрватскиот музички состав Pips, Chips & Videoclips кој ќе се случи на 09.04.2010 во денсинг салата во МКЦ. Воедно, ова ќе биде одличен повод за светска премиера на новото озвучување и осветлување во Младинскиот културен центар. Почетокот на настанот ќе биде во 21.30 часот, а цената на влезниците е 200 денари во периодот од 15.03 до 22.03., 300 денари од 23.03. до 08.04. и 400 денари на денот на концертот. Влезниците ќе може да се набават на билетарата во Младинскиот културен центар или да се резервираат на Оваа е-пошта е заштитена од spambots, треба да вклучите JavaScript за да ја видите .
Концертот на Pips, Chips & Videoclips е дел од off програмата на првиот креативен фестивал за велосипеди - Велофест.

Балканската музичка сцена не може да се пофали со голем број бендови што имаат успешна кариера надвор од регионот, но Pips, Chips & Videoclips веќе 18 години работат во Хрватска и свират во Германија, Ирска и во Велика Британија. Важат за единствена појава на домашната сцена, во исто време стилски разнолични, тематски провокативни и визуелно атрактивни - претставуваат вистински пример на модерен поп-состав. Во својата долгогодишна кариера, имаат издадено шест студиски албуми: Shimpoo Pimpoo (1993), Dernjava (1995), Fred Astaire (1997), Bog (1999), Drveće i rijeke (2003) и Pjesme za gladijatore (2007). На последните два, Pips, Chips & Videoclips остварија исклучително значајна соработка со Dave Fridmann, човекот чиј потпис стои на плочите на Mercury Rev, The Flaming Lips, Mogwai, Sigur Rós и многу други. Fridmann е избран за еден од 100-те звучни визионери на сите времиња според магазинот Mojo. Освојувачи се на огромен број на дискографски награди и важат за еден од најинвентивните хрватски состави.

Кариерата на Pips, Chips & Videoclips доживува голем пресврт во моментот кога Фафенштајн едногласно е прогласен за митско место, а тие, дотогаш изгубените цицачи се метаморфозираат во Астронаути – убави, храбри и паметни спасители на Космосот. Така започнува мисијата Фафенштајн, најмистериозната и најдубиозната мисија во историјата на вселената. Добро е, тие конечно пристигнаа! Сега можеме да им оставиме да го “поправаат светот” како што знаат и умеат. И кога некогаш ќе ги видиш, патнику намернику, не се плаши да им пријдеш. PC&VC спејс шатлот го обиколува светот!

Се гледаме во МКЦ

Од 11ти до 13ти март (20 часот) во арт кино Фросина СНЕГ

„Снегот не паѓа за да ги прекрие ридовите, туку за да може секоја ѕверка да остави трага.“
Режисерката Аида Бегиќ ја одбра оваа поговорка за да претстави својот филм во Кан, каде „Снег“ ја доби наградата на филмските критичари (Critics' Week Grand Prize) во 2008 година. Овој филм се занимава со темата која ретко се среќава во филмовите за војната, а тоа се последиците, особено на преживеаните.
Дејството е сместено во малото планинско село Славно, во 1997, само две години по завршувањето на војната во Босна, во сенката на опасноста од минските полиња и надежта дека ќе се појави некој од исчезнатите.
Надежта, како што вели протагонистката Алма, можеби не е план, но во секој случај е подобра од резигнираноста и бегството. Таа се обидува да отпочне мал бизнис со овошје, во село во кое со исклучок на еден старец и едно трауматизирано момче, нема ниту еден останат маж.
„Снег“ не е „женски“ филм, иако е индикативно отсуството на мажите, исто како што не е ниту воен филм, иако војната сèуште е присутна на лицата на преживеаните. Овој филм ни нуди ретка можност да ја доживеме Босна, без да нè оптеретува со компликациите од постДејтонската балканизација.
Билетите за филмот можат да се купат на касата на Младинскиот културен центар, по цена од 60 денари.
Се гледаме во арт кино ФРОСИНА

Детскиот Креативен Центар организира изложба од изработените предмети од глина на минатогодишната (ноемвриска) Детска Керамичка Колонија "Земја 2009".
Позитивните искуства од колонијата која се организира веќе петта година по ред на која децата се здобија со основните познавања за техниката на изработка па до финален производ од глината. Токму тој финален производ е всушност темата на нашата изложба.
По тој повод Ве покануваме во сабота 6.03.2010 год во просторот на горното фоаје на киното Фросина на МКЦ да присaствувате на отварањето на оваа изложба.
Влезот е слободен за сите кои ќе присуствуваат на ова отварање, потоа децата можат да продолжат да се забавуваат во просторот на Детскиот Креативен Центар.
Подетални информации на телефон 3115 225 лок. 114

Култниот македонски филм МАКЛАБАС на 28ми февруари (20 часот) конечно во кино Фросина. Овој проект, создаван како стрип, има главно експериментален карактер. Имено, неговиот автор Ацо Станковски, се обидува да конституира еден таканаречен „македонски кинематографски андерграунд“. Содржината овде, всушност, претставува некаква визуелна персифлажа за познатиот жанр на шпионски филмови. Тука настапува „а ла“ тајниот агент Ансаров, кој трага по Зелениот Дијамант, минерал којшто има универзална моќ: Зелениот Дијамант е волшебен минерал кој наводно има зачудувачка сила и благотворна моќ,  зависно во чии раце се наоѓа. Во таа своја планирана акција „тајниот агент“ Ансаров наидува на голем број пречки, коишто, се разбира, успешно ги елиминира.
Но, содржината во филмот делува безмалку неважна во однос на бројните филозофски аспекти што филмот ги обработува, бидејќи тоа е таканаречен „андерграунд“ проект. Се разбира, прв од тој вид во Македонија, колку што нам ни е познато. Авторот на филмот, најверојатно, на некој начин, намерно го одбегнува сижето како форма на драматуршки исказ. „Маклабас“ е филмски експеримент којшто на визуелен план донесува нешто ново во македонската кинематографија.
Билетите за филмот можат да се купат на касата на Младинскиот културен центар по цена од 60 денари.
Се гледаме во ФРОСИНА.

Режија: Александар Станковски - Ацо
Сценарио: Александар Станковски - Ацо
Директор на фотографија: Влатко Галевски 
Сниматели: Александар Јанковиќ - Фриц, Бранд Ферро, Нехру Хоџа 
Монтажа: Војо Живоиновиќ 
Продуцент: Влатко Галевски 
Главни улоги: Илија Даскалов, Мирче Доневски, Митко Панов 
Тон: Братислав Зафировски - Брацо

Други улоги:
Милчо Манчевски
Жанета Вангели
Зоран Радоњиќ
Христо Поп Дучев
Владо Петровски
Јован Миовски
Горан Јовановски
Костадин Шурбановски